തിരുവനന്തപുരം: ബോണക്കാട് ഉള്വനത്തില് കടുവകളുടെ എണ്ണം എടുക്കാന് പോയി കാണാതായ ഫോറസ്റ്റ് ഉദ്യോഗസ്ഥരെ കണ്ടെത്തി.
ബോണക്കാട് ഈരാറ്റുമുക്ക് ഇരുതോട് ഭാഗത്തായാണ് ഇവരുടെ ലൊക്കേഷന് കണ്ടെത്തിയിരിക്കുന്നത്.
മൂന്നുപേരും സുരക്ഷിതരാണെന്ന് ബന്ധപ്പെട്ട അധികൃതര് അറിയിച്ചു. മൂന്നംഗ സംഘത്തിലെ ഒരാള്ക്ക് വഴി തെറ്റിയതാണ് ഇവര് വനത്തില് കുടുങ്ങാന് കാരണമെന്നാണ് വിവരം.
ഇയാള്ക്കായി തെരയുകയായിരുന്നെന്നും ഇന്ന് രാവിലെയാണ് ഇയാളെ കണ്ടെത്തിയതെന്നുമാണ് വിവരങ്ങള്.
പാലോട് റെയ്ഞ്ച് ഓഫീസിലെ വനിതാ ഫോറസ്റ്റര് വിനീത, ബിഎഫ്ഓ രാജേഷ്, വാച്ചര് രാജേഷ് എന്നിവരെയാണ് കാണാതായത്.
ഇന്നലെ രാവിലെയാണ് ഇവര് ബോണക്കാട് ഉള്വനത്തിലെ കടുവകളുടെ എണ്ണം എടുക്കാന് പോയത്.
എന്നാല്, ഇവര് കാടുകയറിയ ശേഷം വൈകുന്നേരത്തോടെ ഇവരുമായുള്ള ബന്ധം വിച്ഛേദിക്കപ്പെടുകയായിരുന്നു.
തുടര്ന്ന് തെരച്ചില് ഊര്ജിതമാക്കിയിരുന്നു. ഇതിനിടെയാണ് ഉദ്യോഗസ്ഥരുടെ ലൊക്കേഷന് കണ്ടെത്തിയിരിക്കുന്നത്.
