കണ്ണൂർ: കാലവർഷക്കെടുതിയിൽ ദുരിതമനുഭവിക്കുന്നവർക്ക് അടിയന്തര നഷ്ടപരിഹാരം ഉറപ്പാക്കുന്നതിൽ സർക്കാർ കാര്യമായ ഇടപെടൽ നടത്തുന്നില്ലെന്ന് തലശ്ശേരി ആർച്ച് ബിഷപ്പ് മാർ ജോസഫ് പാംപ്ലാനി ആരോപിച്ചു.
പ്രകൃതിദുരന്തത്തിന് ശേഷമുള്ള പ്രാഥമിക നടപടികളും നഷ്ടപരിഹാരം നൽകുന്നതിനുള്ള നാശനഷ്ട കണക്കെടുപ്പും പൂർത്തിയാക്കാൻ വൈകുകയാണെന്ന് അദ്ദേഹം പറഞ്ഞു. പല പ്രദേശങ്ങളിലും റോഡുകൾ തകർന്ന നിലയിലാണെന്നും ജനങ്ങൾ ബുദ്ധിമുട്ട് നേരിടുകയാണെന്നും ആർച്ച് ബിഷപ്പ് ചൂണ്ടിക്കാട്ടി. ജനങ്ങൾ ഉന്നയിക്കുന്ന ഗൗരവമായ പ്രശ്നങ്ങളിൽ അടിയന്തരമായി പരിഹാരം കാണാൻ സർക്കാർ കൃത്യമായ നടപടികൾ സ്വീകരിക്കണമെന്നും മാർ ജോസഫ് പാംപ്ലാനി ആവശ്യപ്പെട്ടു.
