തിരുവനന്തപുരം: ആറ്റുകാൽ പൊങ്കാലയ്ക്ക് എത്തുന്ന വിശ്വാസികൾക്ക് സൗകര്യങ്ങളൊരുക്കാൻ ആഹ്വാനം ചെയ്ത് പാളയം പള്ളി ഇമാം സുഹൈബ് മൗലവി. റമദാൻ നോമ്പ് കാലമായാലും തിരുവനന്തപുരത്തെത്തുന്ന ഹൈന്ദവ സഹോദരിമാർക്കും കുട്ടികൾക്കും വെള്ളവും ഭക്ഷണവും നൽകണമെന്നും മസ്ജിദുകളും വീടുകളും അവർക്ക് വിശ്രമത്തിനായി തുറക്കണമെന്നും ജുമാ നിസ്കാരത്തിനിടെ അദ്ദേഹം പറഞ്ഞു.