തൃശൂർ: ദേശീയ ഫാർമസി വാരത്തിന്റെയും ആന്റി മൈക്രോബിയൽ റെസിസ്റ്റൻസ് അവബോധ വാരത്തിന്റേയും സമാപന സമ്മേളനം സംഘടിപ്പിച്ചു. ചാലക്കുടി സെന്റ് ജെയിംസ് കോളേജ് ഓഫ് ഫാർമസ്യൂട്ടിക്കൽ സയൻസസും ചാലക്കുടി താലൂക്ക് ഹെഡ് ക്വാർട്ടേഴ്സ് ആശുപത്രിയും സംയുക്തമായി ദേശീയ ഫാർമസി വാരവും ആന്റി മൈക്രോബിയൽ റെസിസ്റ്റൻസ് അവബോധ വാരവും സംഘടിപ്പിച്ചു.
വാരാഘോഷത്തിന്റെ സമാപന സമ്മേളനം സെന്റ് ജെയിംസ് സ് കോളേജ് ഓഫ് ഫാർമസ്യൂട്ടിക്കൽ സയൻസസിൽ വച്ച് നടത്തപ്പെട്ടു. സമാപന സമ്മേളനത്തിന്റെ ഉദ്ഘാടനം ഡോ. മിനിമോൾ എ എ ( മെഡിക്കൽ സൂപ്രണ്ട്, താലൂക്ക് ഹെഡ് കോട്ടേഴ്സ് ചാലക്കുടി) നിർവഹിച്ചു. ഡോ. റെവ. ആന്റു ആലപ്പാടൻ (ഡയറക്ടർ, സെന്റ് ജെയിംസ് ഗ്രൂപ്പ് ഓഫ് ഇൻസ്റ്റിറ്റ്യൂഷൻ) അധ്യക്ഷത വഹിച്ചു. ഡോ.ലിൻസി ജോർജ് (എച്ച്. ഓ. ഡി. ഡിപ്പാർട്ട്മെന്റ് ഓഫ് ഫാർമസി പ്രാക്ടീസ്) ഫാർമസി വാരാഘോഷത്തിന്റെ സംക്ഷിപ്തരൂപം അവതരിപ്പിച്ചു. ഡോ.സിസ്റ്റർ ജിജിമോൾ മാത്യു (പ്രിൻസിപ്പാൾ, സെന്റ് ജെയിംസ് കോളേജ് ഓഫ് നഴ്സിംഗ്), ആശംസകൾ അർപ്പിച്ച് സംസാരിച്ചു.
ഡോ.കെ. കൃഷ്ണകുമാർ (പ്രിൻസിപ്പാൾ, സെന്റ് ജെയിംസ് കോളേജ് ഓഫ് ഫാർമേഴ്സ്യൂട്ടിക്കൽ സയൻസ്) സ്വാഗതം ആശംസിച്ച ചടങ്ങിൽ ഡോ.സബ്ന എം (ഫാർമസിസ്റ്റ്, താലൂക്ക് ഹെഡ് ക്വാർട്ടേഴ്സ്, ചാലക്കുടി )നന്ദി പ്രകാശിപ്പിച്ചു. ഒരാഴ്ച നീണ്ടുനിന്ന വാരാഘോഷത്തിൽ സംഘടിപ്പിച്ച മത്സരങ്ങളിൽ വിജയികളായവർക്കുള്ള ഉപഹാരങ്ങളും സമാപന സമ്മേളനത്തിൽ നൽകപ്പെട്ടു.
