ന്യൂഡല്ഹി: പൈപ്പ് വഴിയുള്ള പ്രകൃതിവാതക കണക്ഷന് (പിഎന്ജി) ലഭ്യമായ സ്ഥലങ്ങളില് എല്പിജി ഉപയോഗം നിയന്ത്രിക്കാന് കര്ശന നടപടികളുമായി കേന്ദ്ര സര്ക്കാര്. പ്രകൃതിവാതക കണക്ഷന് (പിഎന്ജി) ലഭ്യതയുണ്ടായിട്ടും എല്പിജിയെ ആശ്രയിക്കുന്നവര്ക്ക് എല്പിജി വിതരണം നിര്ത്താന് നിര്ദേശിച്ച് കേന്ദ്ര സര്ക്കാര് ഉത്തരവിറക്കി.
പിഎന്ജി വ്യാപനം വര്ധിപ്പിക്കാനും പാചക സ്രോതസ് ആയി ഒരു ഇന്ധനം മാത്രം ആശ്രയിക്കുന്നത് കുറയ്ക്കാനുമാണ് പുതിയ നീക്കം. ലഭ്യത ഉണ്ടായിട്ടിട്ടും പിഎന്ജി ഉപയോഗിച്ചില്ലെങ്കില് ‘മൂന്ന് മാസത്തിനുശേഷം എല്പിജി വിതരണം നിര്ത്തലാക്കും’ എന്നാണ് സര്ക്കാര് ഉത്തരവില് പറയുന്നത്.
പൈപ്പ്ലൈന് കണക്റ്റിവിറ്റി ഉള്ള പ്രദേശങ്ങളില് നിന്ന് എല്പിജി ഉപയോഗം പൂര്ണമായി കുറയ്ക്കാനാണ് സര്ക്കാര് ലക്ഷ്യമിടുന്നത്. ആഗോള ഇന്ധന വിതരണ ശ്യംഖലയിലെ പ്രതിസന്ധി ‘ഇന്ധന വൈവിധ്യവല്ക്കരണം’ പ്രോത്സാഹിപ്പിക്കാനുള്ള അവസരമാക്കി മാറ്റാനാണ് ലക്ഷ്യമിടുന്നത്.
