ആലപ്പുഴ: പാര്ട്ടി നേതൃത്വവുമായി ഇടഞ്ഞു നില്ക്കുന്ന മുതിര്ന്ന നേതാവ് ജി സുധാകരനെ കാണാന് മുഖ്യമന്ത്രി പിണറായി വിജയന് എത്തിയില്ല. പെരുമ്പളം പാലം ഉദ്ഘാടന ചടങ്ങിനായി സുധാകരന്റെ വീടിന് സമീപത്തു കൂടെയാണ് മുഖ്യമന്ത്രി പോയത്. എന്നാല് സുധാകരന്റെ വീട്ടില് പോകാനോ കാണാനോ അദ്ദേഹം തയ്യാറായില്ല.
പെരുമ്പളം പാലം ഉദ്ഘാടന ചടങ്ങിലേക്ക് ക്ഷണമുണ്ടായിരുന്നെങ്കിലും ആരോഗ്യപ്രശ്നങ്ങള് ഉള്ളതിനാല് എത്തില്ലെന്ന് സുധാകരന് അറിയിച്ചിരുന്നു. നേരത്തേ പാലം ഉദ്ഘാടന ചടങ്ങിന്റെ ലൈവ് സ്ട്രീം ഫേസ്ബുക്ക് പേജില് പങ്കുവെച്ചത് സുധാകരന് നീക്കം ചെയ്തിരുന്നു.
