കോട്ടയം : പാലാ ജൂബിലിയോടനുബന്ധിച്ച് പുഴക്കര മൈതാനിയിൽ ആരംഭിച്ച ഫുഡ് ഫെസ്റ്റിന് ഇന്ന് സമാപനമായി. പാലായ്ക്ക് ആഘോഷത്തിൻ്റെ പുതുരാവുകൾ സമ്മാനിച്ചുകൊണ്ട്, നിലയ്ക്കാത്ത ജനപ്രവാഹമാണ് ഫുഡ് ഫെസ്റ്റിലേക്ക് കഴിഞ്ഞ ദിവസങ്ങളിൽ ഉണ്ടായത്. വിവിധ രുചികളാൽ സമൃദ്ധമായ ഭക്ഷ്യമേളയിൽ ഇരിക്കാൻ ഇടമില്ലാത്ത വിധം കുടുംബങ്ങൾ ഒഴുകിയെത്തി. യുവതലമുറയെ ആകർഷിച്ച് ഡിജെ നൈറ്റുകൾ അരങ്ങേറിയപ്പോൾ പുഴക്കര മൈതാനി ആവേശത്തിമിർപ്പിലായി. പ്രധാന പെരുന്നാൾ ദിവസമായ ഇന്ന് ജനനിബിഡമായ അന്തരീക്ഷത്തിലാണ് പാലാ ഫുഡ് ഫെസ്റ്റ് പരിപാടികൾക്ക് തിരശ്ശീല വീഴുന്നത്.