മലപ്പുറം: കരിപ്പൂർ വിമാനത്താവളത്തിൽ ഉംറ തീർത്ഥാടകർ ഉൾപ്പെടെ നിരവധി യാത്രക്കാർ കുടുങ്ങി. ഇന്ന് പുലർച്ചെ 3 മണിക്ക് ജിദ്ദയിലേക്ക് പുറപ്പെടേണ്ട എയർ ഇന്ത്യ വിമാനത്തിലെ യാത്രക്കാരാണ് കുടുങ്ങിയത്. വിമാനത്തെക്കുറിച്ച് ഇതുവരെ വ്യക്തമായ അറിയിപ്പൊന്നും ലഭിച്ചിട്ടില്ലെന്ന് യാത്രക്കാർ പറയുന്നു. വിവിധ ജില്ലകളിൽ നിന്നുള്ള ഏകദേശം 30ഓളം പേരാണ് വിമാനത്താവളത്തിൽ കുടുങ്ങിയിരിക്കുന്നത്. എയർ ഇന്ത്യയുടെ ഭാഗത്ത് ഉണ്ടായ ആശയക്കുഴപ്പമാണ് ഈ പ്രശ്നത്തിന് കാരണമെന്ന് യാത്രക്കാർ ആരോപിച്ചു. എന്നാൽ വിമാനത്തെക്കുറിച്ചുള്ള ഔദ്യോഗിക വിശദീകരണം ഇതുവരെ പുറത്തുവന്നിട്ടില്ല. യാത്രക്കാരുടെ അസൗകര്യം വർധിച്ച സാഹചര്യത്തിൽ അധികൃതർ അടിയന്തരമായി ഇടപെടണമെന്ന ആവശ്യം ഉയരുന്നു.