ന്യൂഡല്ഹി: അഹമ്മദാബാദിലെ വിമാനാപകടത്തില് ഞെട്ടലും നിരാശയുമെന്ന് കേന്ദ്ര വ്യോമയാന മന്ത്രി റാം മോഹന് നായിഡു. വ്യോമയാന മന്ത്രാലയം അതീവ ജാഗ്രയിലാണെന്നും സ്ഥിതിഗതികള് താന് നേരിട്ട് നിരീക്ഷിക്കുകയാണെന്നും അദ്ദേഹം എക്സില് കുറിച്ചു. എല്ലാ ഏജന്സികളോടും വേഗത്തിലും ഏകോപിതമായും നടപടിയെടുക്കാന് നിര്ദേശം നല്കിയിട്ടുണ്ട്. രക്ഷാപ്രവര്ത്തകരെ സജ്ജമാക്കിയിട്ടുണ്ട്. വൈദ്യസഹായവും ദുരിതാശ്വാസ സഹായവും സ്ഥലത്തേക്ക് എത്തിക്കാന് എല്ലാ ശ്രമങ്ങളും നടത്തുന്നു. വിമാനത്തിലുണ്ടായിരുന്ന എല്ലാവര്ക്കും അവരുടെ കുടുംബങ്ങള്ക്കും എന്റെ പ്രാര്ഥനകളെന്നാണ് റാം മോഹന് നായിഡു എക്സില് കുറിച്ചത്.
ന്യൂഡല്ഹിയിലുള്ള റാം മോഹന് നായിഡു വൈകാതെ ഗുജറാത്തിലേക്ക് തിരിക്കും. ഗുജറാത്ത് മുഖ്യമന്ത്രിയുമായും വിമാനത്താവള അധികൃതരുമായും അദ്ദേഹം ഫോണില് സംസാരിച്ചു.
