ബ്രസീലിയ: തെക്കൻ ബ്രസീലിലെ റിയോ ഗ്രാൻഡെ ഡോ സുൾ സംസ്ഥാനത്ത് ഇറക്കത്തിനിടെ ചെറുവിമാനം ഒരു ഭക്ഷണശാലയുടെ മുകളിലേക്ക് തകർന്നു വീണ് നാല് പേർ മരിച്ചു. കാപ്പാവോ ഡാ കനോവ വിമാനത്താവളത്തിന് സമീപമാണ് അപകടം സംഭവിച്ചത്.
ഇറക്കത്തിനായി താഴ്ന്ന് പറന്ന വിമാനം ഇറക്കപ്പാതയ്ക്കരികിലെ വൈദ്യുത തൂണിൽ ഇടിച്ചതിനെ തുടർന്ന് നിയന്ത്രണം നഷ്ടപ്പെട്ടു ജനവാസ മേഖലയിലുള്ള ഭക്ഷണശാലയിലേക്ക് പതിക്കുകയായിരുന്നു.
അപകടത്തിൽ പൈലറ്റും വിമാനത്തിലുണ്ടായിരുന്ന മൂന്ന് യാത്രക്കാരുമാണ് മരിച്ചത്. തകർച്ചയ്ക്ക് പിന്നാലെ വൻ തീപിടിത്തവും ഉണ്ടായി.
സംഭവസമയത്ത് ഭക്ഷണശാല അടഞ്ഞുകിടന്നിരുന്നതിനാൽ പൊതുജനങ്ങൾക്കും ജീവനക്കാർക്കും പരിക്കേറ്റിട്ടില്ല. വിമാനം തകർന്നുവീഴുന്ന ദൃശ്യങ്ങളും അപകടത്തിൽ നിന്ന് രണ്ട് പേർ അത്ഭുതകരമായി രക്ഷപ്പെടുന്ന ദൃശ്യങ്ങളും പുറത്തുവന്നിട്ടുണ്ട്.
