ഡല്ഹി : ഈ ആഴ്ച നടക്കുന്ന ജി 20 ഉച്ചകോടിയില് പ്രധാനമന്ത്രി നരേന്ദ്ര മോദി പങ്കെടുക്കാന് പ്രധാനമന്ത്രി നരേന്ദ്രമോദി ദക്ഷിണാഫ്രിക്കയിലേക്ക്. വെള്ളിയാഴ്ചയാണ് പ്രധാനമന്ത്രി ദക്ഷിണാഫ്രിക്കയിലേക്ക് തിരിക്കുന്നത്.
ഈജിപ്തില് നടന്ന പശ്ചിമേഷ്യ സമാധാന ഉച്ചകോടിയിലും ആസിയാന് ഉച്ചകോടിയിലും നരേന്ദ്ര മോദി പങ്കെടുത്തിരുന്നില്ല. അമേരിക്കന് പ്രസിഡന്റുമായുള്ള കൂടിക്കാഴ്ച ഒഴിവാക്കാനാണ് മോദി വിട്ടുനില്ക്കുന്നതെന്ന വിമര്ശനം ഉയര്ന്നിരുന്നു.
ദക്ഷിണാഫ്രിക്കയിലെ ജി-20 ഉച്ചകോടിയില് ഡോണള്ഡ് ട്രംപ് പങ്കെടുക്കില്ലെന്ന് അമേരിക്ക പ്രഖ്യാപിച്ചിട്ടുണ്ട്.
റഷ്യന് പ്രസിഡന്റ് വ്ളാദിമിര് പുടിന് ജി-20 ഉച്ചകോടിക്ക് എത്തുമോ എന്നകാര്യവും വ്യക്തമല്ല. അടുത്ത മാസം നാലിന് പുടിന് ഇന്ത്യയിലെത്തുമെന്ന് സൂചനയുണ്ട്.
