തിരുവനന്തപുരം: സമൂഹ്യമാധ്യമങ്ങളിലൂടെ ഉന്നത ഉദ്യോഗസ്ഥര്ക്കെതിരെ പരസ്യവിമര്ശനം നടത്തിയതിന് എന് പ്രശാന്ത് ഐഎഎസിന് ചാര്ജ് മെമ്മോ നല്കി. അഡീഷണല് ചീഫ് സെക്രട്ടറി ഡോ ജയതിലകിന് നേരെയായിരുന്നു എന് പ്രശാന്ത് പരസ്യവിമര്ശനം ഉന്നയിച്ചത്. മാതൃഭൂമി പത്രത്തില് തനിക്കെതിരെ വന്ന റിപ്പോര്ട്ടിന് പിന്നാലെയാണ് പ്രശാന്ത് ജയതിലകിനെതിരെ രംഗത്ത് വന്നത്.
സസ്പെന്ഷനില് ആയ ശേഷവും പ്രശാന്ത് മാധ്യമങ്ങള്ക്ക് അഭിമുഖം നല്കിയതിനും വിമര്ശനമുണ്ട്. ജയതിലക് സ്വയം എഴുതിക്കൂട്ടിയ റിപ്പോര്ട്ട് വാര്ത്തയാക്കിയെന്നും ജയതിലകിനെ ചില മാധ്യമങ്ങള് സംരക്ഷിക്കുന്നുവെന്നും ഫെയ്സ്ബുക്ക് കുറിപ്പില് പ്രശാന്ത് ഐഎഎസ് കുറ്റപ്പെടുത്തിയിട്ടുണ്ടായിരുന്നു. തുടര്ന്ന് എന് പ്രശാന്തിനെതിരെ ഉയര്ന്ന ആരോപണങ്ങള് കള്ളമാണെന്നുമുള്ള വിവരവും പുറത്തുവന്നിരുന്നു.
