ഫ്രാന്സിസ് മാര്പാപ്പയുടെ വിയോഗത്തില് അനുശോചനം രേഖപ്പെടുത്തി ലോക്സഭാ പ്രതിപക്ഷ നേതാവ് രാഹുല് ഗാന്ധി. കാരുണ്യത്തിന്റെയും നീതിയുടെയും സമാധാനത്തിന്റെയും ആഗോള ശബ്ദമായ ഫ്രാന്സിസ് മാര്പാപ്പയുടെ വിയോഗത്തില് അഗാധമായ ദുഃഖമുണ്ടെന്ന് രാഹുല് ഗാന്ധി ഫേസ്ബുക്കില് കുറിച്ചു. അടിച്ചമര്ത്തപ്പെട്ടവര്ക്കും അരികുവത്കരിക്കപ്പെട്ടവര്ക്കുമൊപ്പം അദ്ദേഹം നിലകൊണ്ടെന്നും അസമത്വത്തിനെതിരെ നിര്ഭയം സംസാരിച്ചുവെന്നും രാഹുല് കുറിച്ചു.
സ്നേഹത്തിന്റെയും മനുഷ്യത്വത്തിന്റെയും സന്ദേശത്തിലൂടെ ദശലക്ഷക്കണക്കിന് മനുഷ്യരെ അദ്ദേഹം പ്രചോദിപ്പിച്ചുവെന്നും സ്നേഹത്തിന്റെയും മനുഷ്യത്വത്തിന്റെയും സന്ദേശത്തിലൂടെ വിവിധ മതങ്ങളിലെ ദശലക്ഷക്കണക്കിന് ആളുകളെ പ്രചോദിപ്പിച്ചുവെന്നും ഇന്ത്യയിലും ലോകമെമ്പാടുമുള്ള കത്തോലിക്കാ സമൂഹത്തോടൊപ്പം ദുഃഖത്തിൽ പങ്കുചേരുന്നെന്നും രാഹുൽ ഗാന്ധി പറഞ്ഞു.
