ബെംഗളൂരു: ഏഷ്യാ കപ്പ് വിജയത്തിന് ശേഷം ഇന്ത്യൻ ടീമിനെ അഭിനന്ദിക്കാത്ത കോൺഗ്രസിനെതിരെ ബിജെപി ശക്തമായി രംഗത്ത്. ബിജെപി ദേശീയ വക്താവ് പ്രദീപ് ഭണ്ഡാരി രാഹുൽ ഗാന്ധിയെ പാകിസ്താൻ ആർമി ചീഫ് അസിം മുനീറിന്റെ “ഉറ്റ സുഹൃത്ത്” എന്ന് വിശേഷിപ്പിച്ചു.
കോൺഗ്രസ് രാജ്യ താല്പര്യങ്ങൾക്ക് വിരുദ്ധമായി പ്രവർത്തിക്കുന്നുവെന്നും, പാകിസ്താനെ തോൽപ്പിച്ച ഇന്ത്യൻ ടീമിനെ രാഹുൽ ഗാന്ധി അഭിനന്ദിക്കുന്നില്ലെന്നും ,പാകിസ്താന്റെ “ബി ടീം” നിലപാട് ചില കോൺഗ്രസ് നേതാക്കളിൽ കാണപ്പെടുന്നുവെന്നും, സ്പോർട്സ്മാൻ സ്പിരിറ്റ് കാഴ്ചവെക്കേണ്ടതുണ്ടെന്ന് അദ്ദേഹം കൂട്ടിച്ചേർത്തു.
“ഓപ്പറേഷൻ സിന്ദൂരിലും ഓപ്പറേഷൻ തിലകിലും കോൺഗ്രസ് പാകിസ്താനോടൊപ്പം നിന്നു എന്നും രാഹുൽ ഗാന്ധി അസിം മുനീറിന്റെ ഉറ്റ സുഹൃത്താണ്” എന്നും അദ്ദേഹം ആരോപിച്ചു. ഇതിന് പിന്തുണയുമായി, മുൻ ബിജെപി നേതാവും പാർട്ടിയുടെ ഐടി വിഭാഗം മേധാവിയുമായ അമിത് മാളവ്യ, പാകിസ്താനെതിരായ ടീം ഇന്ത്യയുടെ വിജയം രാഹുൽ ഗാന്ധിയെയും കോൺഗ്രസിനെയും “മയക്കത്തിലാക്കി” എന്ന് കൂട്ടിച്ചേർത്തു.
