മലപ്പുറം : പിണറായിസത്തിന്റെ ഇരയാണ് രാഹുൽ മാങ്കൂട്ടത്തിൽ എന്ന് തൃണമൂൽ കോൺഗ്രസ് നേതാവ് പി വി അൻവർ. ഇന്നലെ രാഹുൽ മാങ്കൂട്ടത്തിൽ തന്റെ വീട്ടിലെത്തിയെന്നും തങ്ങളുടെ കൂടിക്കാഴ്ച്ച സൗഹൃദപരമായിരുന്നുവെന്നും പി.വി. അൻവർ വാർത്താസമ്മേളനത്തിൽ വ്യക്തമാക്കി. യൂഡിഎഫ് സ്ഥാനാർഥി ആര്യാടൻ ഷൗക്കത്ത് നിലംബുരിൽ ജയിക്കില്ലെന്ന് താൻ പറഞ്ഞിരുന്നു അതിൽ നിന്നാണ് തർക്കങ്ങൾ തുടങ്ങിയത്.
ചില യൂഡിഎഫ് നേതാക്കൾക്ക് താല്പര്യം സ്വന്തം വളർച്ചയാണെന്നും മുഖ്യമന്ത്രി സ്ഥാനത്തേക്ക് ആര് പോകുമെന്നതിലാണ് അവർ ശ്രദ്ധ കേന്ദ്രികരിക്കുന്നതെന്നും മലപ്പുറത്ത് നടത്തിയ വാർത്ത സമ്മേളനത്തിൽ അൻവർ വ്യക്തമാക്കി. കൂടാതെ പിണറായിസത്തിനെതിരെ താൻ പിന്നോട്ട് പോയിട്ടില്ലെന്നും അൻവർ കൂട്ടിച്ചേർത്തു.
