തിരുവനന്തപുരം: രാഹുല് മാങ്കൂട്ടത്തിനെതിരായ ബലാത്സംഗ കേസില് പരാതിക്കാരിയെ അവഹേളിച്ചന്ന കേസില് സന്ദീപ് വാര്യര്ക്കും രഞ്ജിത പുളിയ്ക്കലിനും ഉപാധികളോടെ ജാമ്യം.
തിരുവനന്തപുരം ജില്ലാ അഡീ. ഒന്നാം സെഷന്സ് കോടതിയാണ് ജാമ്യം അനുവദിച്ചത്. കേസില്, അതിജീവിതയുടെ പരാതിയനുസരിച്ച് സന്ദീപ് വാര്യരടക്കം ആറ് പേര്ക്കെതിരെയാണ് സൈബര് പൊലീസ് കേസെടുത്തത്.
മഹിളാ കോണ്ഗ്രസ് പത്തനംതിട്ട ജില്ലാ സെക്രട്ടറി രഞ്ജിത പുളിക്കനാണ് ഒന്നാം പ്രതി. കോണ്ഗ്രസ് അനുകൂലിയായ അഭിഭാഷക ദീപ ജോസഫ് രണ്ടാം പ്രതിയും ദീപ ജോസഫ് എന്ന് പേരുള്ള മറ്റൊരു അക്കൗണ്ട് ഉടമ മൂന്നാം പ്രതിയുമാണ്.
സന്ദീപ് വാര്യര് നാലാം പ്രതിയും രാഹുല് ഈശ്വര് അഞ്ചാം പ്രതിയുമാണ്. പാലക്കാട് സ്വദേശിയായ വ്ളോഗറാണ് കേസിലെ ആറാം പ്രതി.
