തിരുവനന്തപുരം: ശബരിമല സ്വര്ണക്കൊള്ള കേസില് മുന് അഡ്മിനിസ്ട്രേറ്റീവ് ഓഫീസര് എസ് ശ്രീകുമാര് ഇഡിക്ക് മുന്നില് ഹാജരായി.
ഇഡി ചോദ്യം ചെയ്യുന്ന രണ്ടാമത്തെയാളാണ് എസ് ശ്രീകുമാര്. ദ്വാരപാലക കേസില് മാത്രമാണ് ശ്രീകുമാര് പ്രതി. സ്വര്ണക്കൊള്ള കേസില് സ്വഭാവിക ജാമ്യം ലഭിച്ച് പുറത്തിറങ്ങിയതിന് പിന്നാലെയാണ് ഇഡി നടപടി
കേസില് ജയില് മോചിതനായ മുഖ്യപ്രതി ഉണ്ണികൃഷ്ണന് പോറ്റി പ്രത്യേക അന്വേഷണസംഘത്തിന് മുന്നില് ഹാജരായി. ഇഞ്ചക്കല്ലിലെ എസ് ഐ ടി ഓഫീസിലാണ് ഹാജരായത്.
ചൊവ്വ, വെള്ളി ദിവസങ്ങളില് അന്വേഷണ സംഘത്തിന് മുന്നില് ഹാജരാകണമെന്ന് കോടതി നിര്ദ്ദേശമുണ്ട്. സാമ്പത്തിക ഇടപാടുകള് അന്വേഷിക്കുന്നതിന്റെ ഭാഗമായി എന്ഫോഴ്സ് ഡയറക്ടറ്റേറ്റ് ഉണ്ണികൃഷ്ണന് പോറ്റിക്ക് ഉടന് സമന്സ് അയയ്ക്കും.കേസില് മുരാരി ബാബുവിനെ മാത്രമാണ് എന്ഫോഴ്സ്മെന്റ് ഡയറക്ടറേറ്റ് ഇതുവരെ ചോദ്യം ചെയ്തത്.
