തിരുവനന്തപുരം: ശബരിമല സ്വര്ണക്കൊള്ളയില് ദേവസ്വം ബോര്ഡ് മുന് അംഗം എന്. വിജയകുമാറിനെ വീണ്ടും റിമാന്ഡ് ചെയ്തു. 14 ദിവസത്തേക്കാണ് കൊല്ലം വിജിലന്സ് കോടതി റിമാന്ഡ് നീട്ടിയത്. എ പത്മകുമാര് പ്രസിഡന്റായിരുന്ന ബോര്ഡില് അംഗമായിരുന്നു വിജയകുമാര്. ബോര്ഡിലെ എല്ലാ അംഗങ്ങള്ക്കും നടപടികളില് കൂട്ടുത്തരവാദിത്വം ഉണ്ടെന്നായിരുന്നു പത്മകുമാറിന്റെ മൊഴി.
അതിനിടെ തന്ത്രി കണ്ഠരര് രാജീവരുടെ ജാമ്യാപേക്ഷയെ എതിര്ത്ത് എസ്ഐടി കോടതിയെ സമീപിച്ചു. എല്ലാം നടന്നത് തന്ത്രിയുടെ അറിവോടെ എന്നാണ് റിപ്പോര്ട്ട്. നിലവില് തന്ത്രിക്ക് ആവശ്യമായ ചികിത്സ നല്കുന്നുണ്ടെന്നും എസ്ഐടി വ്യക്തമാക്കി. തിങ്കളാഴ്ചയാണ് തന്ത്രിയുടെ ജാമ്യാപേക്ഷയില് വാദം കേള്ക്കുന്നത്.
