പാലക്കാട്: സമസ്ത നൂറാം വാർഷിക അന്താരാഷ്ട്ര സമ്മേളനം, എസ്.കെ.എസ്.എസ്.എഫ് ജില്ലാ മനുഷ്യജാലിക എന്നിവയുടെ പ്രചാരണാർത്ഥം ജില്ലാ പ്രസിഡൻ്റ് സയ്യിദ് ഹുസൈൻ തങ്ങൾ നയിച്ച സന്ദേശയാത്ര പാലക്കാട്, ആലത്തൂർ, നെന്മാറ, ചിറ്റൂർ മണ്ഡലം പരിധിയിൽ നടന്നു. രാവിലെ 9.30ന് തെരുവത്ത് പള്ളി മഖാം സിയാറത്തോടെ ആരംഭിച്ച യാത്ര വൈകീട്ട് 5.30ന് ആലത്തൂരിൽ സമാപിച്ചു.
കുഴൽമന്ദം സെൻ്റർ, ഒലവക്കോട്, പുതുനഗരം, നെന്മാറ, ഇരട്ടക്കുളം എന്നിവിടങ്ങളിൽ യാത്രയ്ക്ക് സ്വീകരണം നൽകി.ചെയർമാൻ ശിഹാബുദ്ദീൻ അൻവരി, കൺവീനർ അലി പുളിനെല്ലി, റഹീം ആലംപള്ളം, ഷാഹുൽ ഹമീദ് ഫൈസി, ശരീഫ് പുതിയങ്കം, സുലൈമാൻ പുതുനഗരം, സജീർ പേഴുംകര, അബ്ദുൽ ഹഖ് റഹീമി, മുർഷിദ് ദാരിമി, സുബൈർ ഉലൂമി, ബാദുഷ ഉലൂമി, സ്വാദിഖ് കുഴൽമന്നം, ആബിദ് മുഹമ്മദ് ആലത്തൂർ, മജീദ് ചിതലി, മുസ്തഫ മുസ്ലിയാർ, അബ്ബാസ് ഫാളിലി, കമാൽ ആലത്തൂർ, നൂറുമുഹമ്മദ് ആലത്തൂർ എന്നിവർ നേതൃത്വം നൽകി.സമസ്തയുടെ പോഷക സംഘടനകളിലെ നേതാക്കളും കിഴക്കൻ മേഖല സമിതി അംഗങ്ങളും മേഖല ഭാരവാഹികളും പരിപാടിയിൽ പങ്കെടുത്തു.
