തൃശ്ശൂർ: ഗാന്ധിയും ഗ്യാരന്റിയും ഒഴിവാക്കിയ കേന്ദ്ര സർക്കാരിന്റെ നിലപാട് റദ്ദാക്കുക, തൊഴിലുറപ്പ് പദ്ധതി ജീവനക്കാരോടുള്ള സംസ്ഥാന സർക്കാരിന്റെ അവഗണന അവസാനിപ്പിക്കുക എന്നീ ആവശ്യങ്ങൾ ഉന്നയിച്ച് മഹാത്മാഗാന്ധി എംപ്ലോയ്മെന്റ് ഗ്യാരന്റി സ്കീം സ്റ്റാഫ് അസോസിയേഷൻ സംസ്ഥാന കമ്മിറ്റിയുടെ നേതൃത്വത്തിൽ സംഘടിപ്പിക്കുന്ന സെക്രട്ടറിയേറ്റ് മാർച്ചിന്റെ പ്രചാരണ ക്യാമ്പയിന് തുടക്കമായി.
പ്രചാരണ ക്യാമ്പയിന്റെ സംസ്ഥാനതല ഉദ്ഘാടനം അസോസിയേഷൻ സംസ്ഥാന ജനറൽ സെക്രട്ടറി എം.എം. മുഹ്സിൻ, പോസ്റ്റർ കൈമാറി കൊണ്ട് അനിൽ അക്കര നിർവഹിച്ചു.ഫെബ്രുവരി 16 തിങ്കളാഴ്ച രാവിലെ 10 മണിക്ക് നടക്കുന്ന സെക്രട്ടറിയേറ്റ് മാർച്ച് കെ. മുരളീധരൻ ഉദ്ഘാടനം നിർവഹിക്കും. സംഘടന സംസ്ഥാന പ്രസിഡന്റ് തോമസ് കല്ലാടൻ, സംസ്ഥാന വർക്കിംഗ് പ്രസിഡന്റ് പെരിങ്ങമ്മല സജീബ് ഖാൻ എന്നിവരടക്കമുള്ള പ്രമുഖ യു.ഡി.എഫ് നേതാക്കൾ മാർച്ചിൽ പങ്കെടുക്കും.
