ഷാർജ: അൽ ഖാസിമി ഭരണകുടുംബാംഗം ശൈഖ് മുഹമ്മദ് ബിൻ സലേം ബിൻ സുൽത്താൻ അൽ ഖാസിമി അന്തരിച്ചു. ഷാർജ ഡെപ്യൂട്ടി ഭരണാധികാരി ശൈഖ് അബ്ദുള്ള ബിൻ സലേം ബിൻ സുൽത്താൻ അൽ ഖാസിമിയുടെയും ശൈഖ് അബ്ദുൽ റഹ്മാൻ ബിൻ സലേം ബിൻ സുൽത്താൻ അൽ ഖാസിമിയുടെയും സഹോദരനാണ്.
ശൈഖ് മുഹമ്മദിന്റെ നിര്യാണത്തിൽ ഷാർജ റൂളേഴ്സ് കോർട്ട് അനുശോചനം രേഖപ്പെടുത്തി. വെള്ളിയാഴ്ച അസർ നമസ്കാരത്തിന് ശേഷം ഷാർജ കിംഗ് ഫൈസൽ പള്ളിയിൽ അന്ത്യകർമങ്ങൾ നടക്കും. നമസ്കാരത്തിന് ശേഷം മൃതദേഹം അൽ ജുബൈൽ ഖബർസ്ഥാനിൽ സംസ്കരിക്കും.
നിര്യാണത്തെ തുടർന്ന് വെള്ളിയാഴ്ച മുതൽ മൂന്ന് ദിവസത്തെ ഔദ്യോഗിക ദുഃഖാചരണം ഷാർജ പ്രഖ്യാപിച്ചിട്ടുണ്ട്.
