സിഡ്നി: ഓസ്ട്രേലിയക്കെതിരായ ഏകദിന പരമ്പരയിലെ മൂന്നാം മത്സരത്തില് ഫീല്ഡിംഗിനിടെ പരിക്കേറ്റ ഇന്ത്യന് താരം ശ്രേയസ് അയ്യരെ തീവ്രപരിചരണ വിഭാഗത്തില് നിന്ന് മാറ്റിയതായി റിപ്പോര്ട്ട്.
ശ്രേസയിന്റെ ആരോഗ്യനിലയില് ആശങ്കപ്പെടേണ്ട സാഹചര്യമില്ലെന്ന് ബിസിസിഐ. അതേസമയം, ഡോക്ടര്മാരുടെ നിരീക്ഷണത്തിലുള്ള ശ്രേയസ് ഒരാഴ്ച കൂടി സിഡ്നിയിലെ ആശുപത്രിയില് തുടരേണ്ടിവരും.
അതിനിടെ ശ്രേസയസിന്റെ മാതാപിതാക്കള് സിഡ്നിയിലെത്താനായി അടിയന്തിര വിസക്കായി ബിസിസിഐയെ സമീപിച്ചിട്ടുണ്ട്.
ശ്രേസയിന്റെ പരിക്കിനെക്കുറിച്ച് ബിസിസിഐ ഔദ്യോഗിക വാര്ത്താക്കുറിപ്പില് പറയുന്നത്, ഓസ്ട്രേലിയക്കെതിരായ മൂന്നാം ഏകദിനത്തില് ക്യാച്ചെടുക്കാനുള്ള ശ്രമത്തിനിടെ വീണ് ഇടതുവാരിയെല്ലിന് സമീപം ശ്രേയസിന് പരിക്കേറ്റിരുന്നു.
തുടര് പരിശോധനകള്ക്കായി ആശുപത്രിയില് പ്രവേശിപ്പിച്ച ശ്രേയസിനെ സ്കാനിംഗിന് വിധേയാനാക്കിയപ്പോള് പ്ലീഹയില് മുറിവുണ്ടായതായി കണ്ടെത്തുകയായിരുന്നു.
ചികിത്സയിലുള്ള ശ്രേയസിന്റെ ആരോഗ്യനിലയില് ഇപ്പോള് പുരോഗതിയുണ്ടെന്നും ആശങ്കപ്പെടേണ്ട സാഹചര്യമില്ലെന്നും ബിസിസിഐ വാര്ത്താക്കുറിപ്പില് വ്യക്തമാക്കി.
