ഐഎസ്എസ്: അന്താരാഷ്ട്ര ബഹിരാകാശ നിലയത്തിൽ നിന്ന് ഇന്ത്യന് വ്യോമസേന ഗ്രൂപ്പ് ക്യാപ്റ്റന് ശുഭാംശു ശുക്ല പകർത്തിയ ചിത്രങ്ങൾ പുറത്തു വിട്ട് ആക്സിയം സ്പേസ്. ശുഭാംശു ശുക്ലയും സഹപ്രവര്ത്തകരും നിലയത്തില് നിന്ന് പകര്ത്തിയ പുറംകാഴ്ചകളാണ് ആക്സിയം സ്പേസ് എക്സില് പോസ്റ്റ് ചെയ്തത്.
14 ദിവസത്തെ ദൗത്യത്തിനാണ് ആക്സിയം 4 ദൗത്യസംഘം ഭൂമിയില് നിന്ന് തിരിച്ചത്. ആക്സിയം ദൗത്യ സംഘാംഗങ്ങളായ നാല് പേരടക്കം 11 സഞ്ചാരികളാണ് നിലവില് അന്താരാഷ്ട്ര ബഹിരാകാശ നിലയത്തിലുള്ളത്. ബഹിരാകാശ നിലയത്തില് 10 ദിവസം പിന്നിട്ട ഇവര് പരീക്ഷണങ്ങളും ഗവേഷണങ്ങളും തുടരുകയാണ്.
