മലപ്പുറം: എസ്ഐആർ ൻ്റെ പേരിൽ ഉദ്യോഗസ്ഥരെ പ്രയാസപ്പെടുത്തുന്ന നടപടി അവസാനിപ്പിക്കണമെന്ന് കെഎടിഎഫ് കൊണ്ടോട്ടി ഉപജില്ലാ സമ്മേളനം ആവശ്യപ്പെട്ടു. കൊണ്ടോട്ടി ഐസ കൺവെൻഷൻ സെൻ്ററിൽ നടന്ന സമ്മേളനം സംസ്ഥാന പ്രസിഡൻ്റ് എം ടി സൈനുൽ ആബിദ് ഉദ്ഘാടനം ചെയ്തു.
ഉപജില്ല പ്രസിഡൻ്റ് കെ പി അഹമ്മദലി മാസ്റ്റർ അധ്യക്ഷത വഹിച്ചു.
സംസ്ഥാന എക്സിക്യൂട്ടിവ് അംഗം എം.ടി റഷീദ് മാസ്റ്റർ പ്രമേയഭാഷണം നടത്തി. പി. പി നസീഫ് മാസ്റ്റർ, കെ. പി അബ്ദുസ്സമദ്, യൂനുസ് മാസ്റ്റർ, ശലബി അഹമ്മദ് , അലി അബ്ദുറഹീം ഷഫീഖ് റഹ്മാൻ സംസാരിച്ചു. യാത്രയയപ്പ് സമ്മേളനം ജില്ലാ ഓർഗനൈസിംഗ് സെക്രട്ടറി ലത്തീഫ് മംഗലശ്ശേരി ഉദ്ഘാടനം ചെയ്യതു. വിരമിക്കുന്ന അധ്യാപകരായ കെ പി അഹമ്മദലി മാസ്റ്റർ, ഹബീബ് മാസ്റ്റർ, മൂസ മാസ്റ്റർ, സുഹ്റ ടീച്ചർ എന്നിവർ സംസാരിച്ചു,
വനിതാ സമ്മേളനം , സംസ്ഥാന വനിതാ വിംഗ് ചെയർപേഴ്സൺ കെ പി വഹിദ ഉദ്ഘാടനം ചെയ്തു. നബീസ ടീച്ചർ അധ്യക്ഷത വഹിച്ചു, ജില്ലാ കൺവീനർ ഹബീബ ടീച്ചർ മുഖ്യപ്രഭാഷണം നടത്തി. അനിൽ ബാബു സ്മാരക അധ്യാപക അവാർഡ് ജി എൽ എപി സ്കൂളിലെ നബീസ ടീച്ചർക്ക് സംസ്ഥാന പ്രസിഡൻ്റ് നൽകി.
സംസ്ഥാന എക്സിക്യൂട്ടീവ് അംഗം കെ മുഹമ്മദ് അഷ്റഫ് അവാർഡ് ജേതാവിനെ പരിചയപ്പെടുത്തി. കൗൺസിൽ മീറ്റ് വിദ്യാഭ്യാസ ജില്ല ട്രഷറർ കെ സുലൈമാൻ ഉദ്ഘാടനം ചെയ്തു. സമ്മേളനത്തിന്റെ ഭാഗമായി കൊണ്ടോട്ടി ടൗണിൽ ശക്തിപ്രകടനവും നടന്നു. പുതിയ കമ്മിറ്റി ഭാരവാഹികളായി പ്രസിഡൻ്റ് അലി അബ്ദുറഹീം മാസ്റ്റർ, സെക്രട്ടറി അബ്ദുസമദ് മാസ്റ്റർ വാഴയൂർ
ട്രഷറർ ഫസൽ നിറാട് എന്നിവരെ തെരഞ്ഞെടുത്തു.
