എ ആര് മുരുഗദോസിന്റെ സംവിധാനത്തില് ഒരുങ്ങിയ ശിവകാര്ത്തികേയന് ചിത്രം മദ്രാസിയുടെ കേരളാ വിതരണാവകാശം ലിസ്റ്റിന് സ്റ്റീഫന് നേതൃത്വം നല്കുന്ന മാജിക് ഫ്രെയിംസ് റിലീസ് സ്വന്തമാക്കി. മദ്രാസിയുടെ റിലീസായ ട്രൈലെര്, ടീസര്, ഗാനങ്ങള് എന്നിവ സോഷ്യല് മീഡിയയില് തരംഗമായിരുന്നു. മലയാളികളുടെ പ്രിയപ്പെട്ട താരം ബിജു മേനോന് മദ്രാസിയില് കേന്ദ്ര കഥാപാത്രത്തെ അവതരിപ്പിക്കുന്നു. രുക്മിണി വസന്ത് നായികയാകുന്ന ചിത്രത്തില് വിദ്യുത് ജമാല് ഒരു സുപ്രധാന കഥാപാത്രത്തെ അവതരിപ്പിക്കുന്നു. അനിരുദ്ധ് രവിചന്ദര് ആണ് ചിത്രത്തിന്റെ സംഗീത സംവിധാനം നിര്വഹിക്കുന്നത്. സെപ്റ്റംബര് 5, തിരുവോണദിനത്തിലാണ് മദ്രാസി തിയേറ്ററുകളിലേക്കെത്തുന്നത്.
ശ്രീ ലക്ഷ്മി മൂവീസ് നിര്മ്മിക്കുന്ന ചിത്രത്തില് ശിവകാര്ത്തികേയന്, രുക്മിണി വസന്ത് , വിദ്യുത് ജമാല്, ബിജു മേനോന്, ഷബീര് കല്ലറക്കല്, വിക്രാന്ത് എന്നിവരാണ് കേന്ദ്ര കഥാപാത്രങ്ങളെ അവതരിപ്പിക്കുന്നത്. മദ്രാസിയുടെ സിനിമാട്ടോഗ്രാഫി: സുധീപ് ഇളമണ്, എഡിറ്റിങ് : ശ്രീകര് പ്രസാദ്, കലാസംവിധാനം: അരുണ് വെഞ്ഞാറമൂട്, ആക്ഷന് കൊറിയോഗ്രാഫി : കെവിന് മാസ്റ്റര് ആന്ഡ് മാസ്റ്റര് ദിലീപ് സുബ്ബരായന്, പി ആര് ഓ ആന്ഡ് മാര്ക്കറ്റിംഗ് കണ്സല്ട്ടന്റ് : പ്രതീഷ് ശേഖര് എന്നിവരാണ്.
