ബുഡാപെസ്റ്റ്: ചാമ്പ്യൻസ് ലീഗ് ഫുട്‌ബോളിൽ ഇന്ന് കിരീടപ്പോരാട്ടം. നിലവിലെ ചാമ്പ്യൻമാരായ പിഎസ്ജിയും ഇംഗ്ലീഷ് വമ്പൻമാരായ ആർസനലുമാണ് നേർക്കുനേർവരുന്നത്. ഹംഗറിയിലെ പുസ്‌കാസ് അരീനയിൽ രാത്രി 9.30നാണ് ആവേശ മത്സരം. മിക്കൽ ആർട്ടേറ്റയുടെ നേതൃത്വത്തിൽ 22 വർഷത്തെ കാത്തിരിപ്പിന് വിരാമമിട്ട് പ്രീമിയർ ലി​ഗിൽ മുത്തമിട്ടതിന്റെ ആത്മവിശ്വാസവുമായാണ് ഗണ്ണേഴ്‌സ് യൂറോപ്പ് പിടിക്കാനിറങ്ങുന്നത്. കരുത്തരായ ബയേൺ മ്യൂണികിനെ ഇരുപാദങ്ങളിലും തകർത്തുവിട്ടാണ് ലൂയിസ് എന്റിക്വെയുടെ സംഘം കലാശക്കളിക്ക് ടിക്കറ്റെടുത്തത്. ഓപ്പൺ പ്ലേയിൽ അവസരങ്ങൾ സൃഷ്ടിക്കുന്നതിൽ നിരാശപ്പെടുത്തുമ്പോഴും സെറ്റ്പീസിൽ ആർസനലിനെ വെല്ലാൻ മറ്റുടീമുകളില്ല. സെറ്റ്-പീസുകളിൽ ഈ […]