ബെംഗളൂരു: ആഫ്രിക്കയിലെ ചില രാജ്യങ്ങളിൽ എബോള വൈറസ് രോഗബാധ റിപ്പോർട്ട് ചെയ്യപ്പെടുന്നതിനിടെ ബെംഗളൂരുവിൽ ഉണ്ടായ എബോള ഭീതി ഒഴിഞ്ഞതായി അധികൃതർ അറിയിച്ചു. ഉഗാണ്ടയിൽ നിന്ന് എത്തിയ ശേഷം നേരിയ ആരോഗ്യപ്രശ്നങ്ങൾ പ്രകടിപ്പിച്ചതിനെ തുടർന്ന് ഐസൊലേഷനിൽ പ്രവേശിപ്പിച്ചിരുന്ന യുവതിയുടെ പ്രാഥമിക പരിശോധനാ ഫലം നെഗറ്റീവാണെന്ന് കേന്ദ്ര ആരോഗ്യ മന്ത്രാലയ വൃത്തങ്ങളെ ഉദ്ധരിച്ച് എഎൻഐ റിപ്പോർട്ട് ചെയ്തു. നിലവിൽ ഇന്ത്യയിൽ എബോള സ്ഥിരീകരിച്ച കേസുകളൊന്നുമില്ലെന്നും കേന്ദ്ര ആരോഗ്യ-കുടുംബക്ഷേമ മന്ത്രാലയം വ്യക്തമാക്കി. മുൻകരുതലിന്റെ ഭാഗമായി നടത്തിയ പരിശോധനയുടെ ഭാഗമായാണ് യുവതിയെ ആശുപത്രിയിൽ […]