വാഷിങ്ടൺ: ഇറാനിലെ എണ്ണസംഭരണ കേന്ദ്രങ്ങളെ ലക്ഷ്യമിട്ട് ഇസ്രയേൽ നടത്തിയ ആക്രമണത്തിൽ അമേരിക്കയും ഇസ്രയേലും തമ്മിൽ അഭിപ്രായവ്യത്യാസമുണ്ടായതായി റിപ്പോർട്ട്. ആക്രമണത്തിന്റെ വ്യാപ്തിയെക്കുറിച്ച് അമേരിക്ക ആശങ്ക പ്രകടിപ്പിച്ചതായി അമേരിക്കൻ മാധ്യമമായ ആക്‌സിയോസ് റിപ്പോർട്ട് ചെയ്തു. യുദ്ധം ആരംഭിച്ചതിനുശേഷം ആദ്യമായാണ് ഇരു രാജ്യങ്ങൾക്കിടയിൽ ഇത്തരം അഭിപ്രായഭിന്നത ഉയരുന്നതെന്നും റിപ്പോർട്ടിൽ പറയുന്നു. കഴിഞ്ഞ ദിവസം ടെഹ്‌റാൻ ഉൾപ്പെടെയുള്ള പ്രദേശങ്ങളിലെ എണ്ണസംഭരണ കേന്ദ്രങ്ങൾക്കും ഒരു എണ്ണശുദ്ധീകരണശാലയ്ക്കുമാണ് ഇസ്രയേൽ ആക്രമണം നടത്തിയത്. ആക്രമണത്തിന് പിന്നാലെ മേഖലകളിൽ വൻ തീപിടിത്തം ഉണ്ടായതായും റിപ്പോർട്ടുണ്ട്. ഇറാന്റെ സൈനിക വിഭാഗങ്ങൾ […]