കൊച്ചി: സ്ഥലപ്പേര് രേഖപ്പെടുത്തിയ ബോർഡില്ലാതെ സർവീസിനൊരുങ്ങുന്ന കെഎസ്ആർടിസി പ്രിയദർശിനി ബസുകൾ യാത്രക്കാർക്ക് ദുരിതമാകുന്നു. എറണാകുളം ബോട്ട് ജെട്ടിയിലെ കെഎസ്ആർടിസി സ്റ്റാൻഡിലാണ് യാത്രക്കാരെ ആശയക്കുഴപ്പത്തിലാക്കുന്ന ഈ സ്ഥിതി. വൈകിട്ട് ജോലി കഴിഞ്ഞ് വിവിധ സ്ഥലങ്ങളിലേക്ക് പോകാനെത്തുന്നവരാണ് ബസുകളുടെ ലക്ഷ്യസ്ഥാനം തിരിച്ചറിയാനാകാതെ വലയുന്നത്. ബസുകളിൽ ബോർഡ് സ്ഥാപിക്കാത്തതിനാൽ ഏത് സ്ഥലത്തേക്കുള്ള സർവീസാണെന്ന് യാത്രക്കാർക്ക് മനസ്സിലാക്കാനാകുന്നില്ല. വിവരം ചോദിച്ചറിയാൻ ശ്രമിക്കുമ്പോൾ ഡ്രൈവറെയോ കണ്ടക്ടറെയോ സമീപത്ത് കണ്ടെത്താനാകാത്ത സാഹചര്യവുമുണ്ടെന്നാണ് പരാതി. ബസ് പുറപ്പെടുന്നതിന് തൊട്ടുമുൻപാണ് പലപ്പോഴും ബോർഡ് സ്ഥാപിക്കുന്നത്. ഇതോടെ ലക്ഷ്യസ്ഥാനം മനസ്സിലാക്കുന്ന […]