തിരുവനന്തപുരം: സംസ്ഥാനത്ത് നടക്കുന്ന അപ്രഖ്യാപിത ലോഡ് ഷെഡ്ഡിംഗിനെതിരെ കടുത്ത വിമർശനവുമായി പ്രതിപക്ഷ നേതാവ് വി.ഡി. സതീശൻ. വൈദ്യുതി നിയന്ത്രണം ഉടൻ പിൻവലിക്കണമെന്ന് അദ്ദേഹം ആവശ്യപ്പെട്ടു. ജനങ്ങളെ വെല്ലുവിളിച്ച് വൈദ്യുതി നിയന്ത്രണം തുടരുകയാണെങ്കിൽ യുഡിഎഫ് ശക്തമായ പ്രക്ഷോഭം സംഘടിപ്പിക്കുമെന്നും അദ്ദേഹം പറഞ്ഞു. കൊടുംചൂടിനിടെ രാത്രികാലങ്ങളിലടക്കം സംസ്ഥാനത്ത് ലോഡ് ഷെഡിംഗ് നടപ്പാക്കുന്നത് ജനങ്ങളോടുള്ള വെല്ലുവിളിയാണെന്നും അദ്ദേഹം ആരോപിച്ചു. വൈദ്യുതി പ്രതിസന്ധിക്ക് കാരണം സർക്കാർ, കെഎസ്ഇബി, റെഗുലേറ്ററി കമ്മിഷൻ എന്നിവയുടെ തെറ്റായ തീരുമാനങ്ങളാണെന്നും സതീശൻ കുറ്റപ്പെടുത്തി. മുൻ യുഡിഎഫ് സർക്കാരിന്റെ കാലത്ത് […]