കിണറ്റിനുളളില് കുടുങ്ങിയ യുവാവിനെ രക്ഷപ്പെടുത്താന് ശ്രമിച്ചയാള് ശ്വാസം മുട്ടി മരിച്ചു
ആലപ്പുഴ:കിണറ്റിനുള്ളില് കുടുങ്ങിയ യുവാവിനെ രക്ഷപ്പെടുത്താന് ഇറങ്ങിയ ആള് ശ്വാസം മുട്ടി മരിച്ചു.താമരക്കുളം പാറയില് തെന്നാട്ടും വിളയില് ബാബു (55) ആണ് മരിച്ചത്.താമരക്കുളം ഇരപ്പന്പാറ അനീഷിന്റെ വീട്ടിലെ മോട്ടര് നന്നാക്കാന് ഇറങ്ങിയതാണ് സുഭാഷ്. ഇതിനിടെ സുഭാഷിന് ശ്വാസം മുട്ടി.തുടര്ന്ന് സുഭാഷിനെ രക്ഷിക്കാനായി ചെത്തുതൊഴിലാളിയായ ബാബു കിണറ്റിനുള്ളില് ഇറങ്ങുകയായിരുന്നു. സുഭാഷിനെ മുകളിലേക്ക് കയറ്റിയ ശേഷം കിണറ്റില് നിന്നും തിരികെ കയറുന്നതിനിടെയാണ് ബാബുവിന് ശ്വാസം കിട്ടാതെ വന്നത്.ശ്വാസം കിട്ടാതെ ബാബു കിണറ്റിലേക്ക് വീഴുകയായിരുന്നു.ബാബുവിനെ പുറത്തെടുത്തെങ്കിലും രക്ഷിക്കാനായില്ല.
Read more
