ന്യൂഡൽഹി: ലോക്സഭ ഇന്ന് ‘ഓപ്പറേഷൻ സിന്ദൂർ’ വിഷയം ചർച്ച ചെയ്യും. പതിനാറ് മണിക്കൂറാണ് വിഷയത്തിന്മേൽ ചർച്ച. കോൺഗ്രസിൽ നിന്നും ഓപ്പറേഷൻ സിന്ദൂർ ചർച്ചയിൽ പങ്കെടുക്കുന്നവരിൽ ശശി തരൂർ ഉണ്ടാകില്ല. സംസാരിക്കുന്നില്ലെന്നാണ് തരൂർ അറിയിച്ചിരിക്കുന്നത്. കോൺഗ്രസിനെ പ്രതിനിധീകരിച്ച് ഗൗരവ് ഗൊഗോയായിരിക്കും ചർച്ചക്ക് തുടക്കമിടുക. വയനാട് എംപി പ്രിയങ്ക ഗാന്ധിയും സംസാരിക്കും. രാഹുൽ ഗാന്ധിയും കെസി വേണുഗോപാലും നാളെയാകും സംസാരിക്കുക.