മലപ്പുറം : നിലമ്പൂർ മൂത്തേടം കൽക്കുളത്തു പുലിയെ പിടിക്കാൻ സ്ഥാപിച്ച കൂട് അടഞ്ഞു കിടക്കുന്നു. പടുക്ക വനം സ്റ്റേഷനു സമീപത്തെ മുണ്ടുകോട്ടക്കൽ ബിജുവിന്റെ ആടുകളെയും അയൽവാസിയായ തുണ്ടിയിൽ റോബിന്റെ വളർത്തുനായയെയും പുലി പിടിച്ചതിനെ തുടർന്നുണ്ടായ നാട്ടുകാരുടെ പ്രതിഷേധത്തെ തുടർന്നാണു കൂടു സ്ഥാപിച്ചത്. 2 ആഴ്ചയോളം കൂട്ടിൽ നായയെ കെട്ടിയിട്ട് കൂട് തുറന്നു വച്ചിരുന്നു. പുലി കൂട്ടിൽ കയറാതെ വന്നപ്പോൾ പിന്നെ കൂട് തുറക്കാതെയായി. പ്രദേശത്ത് ഇപ്പോഴും പുലിയുടെ സാന്നിധ്യമുണ്ടെന്നാണ് നാട്ടുകാർ പറയുന്നത്.