പ്രിയദർശൻ സംവിധാനം ചെയ്ത് മോഹൻലാൽ അഭിനയിച്ച കെഎസ്ആർടിസിയുടെ പരസ്യചിത്രം പുറത്തിറങ്ങി. തന്റെ ജീവിതത്തിലേക്ക് ഐശ്വര്യത്തിന്റെ ചിന്നം വിളിച്ചെത്തിയ ആനവണ്ടിയുമായുള്ള മനോഹരമായ ബന്ധത്തെക്കുറിച്ചാണ് മോഹൻലാൽ പറയുന്നത്. ‘മഞ്ഞിൽ വിരിഞ്ഞ പൂക്കളി’ലെ ഓഡിഷനു വേണ്ടി തിരുവനന്തപുരത്തു നിന്നും ആലപ്പുഴയിലേക്കു പോയ കെഎസ്ആർടിസി യാത്രയെ കുറിച്ച് പറഞ്ഞാണ് പരസ്യം തുടങ്ങുന്നത്. https://www.facebook.com/watch/?v=3836920013267532

അഭിനയ പരീക്ഷ കഴിഞ്ഞു മടങ്ങിയതും പ്രിയപ്പെട്ട ആനവണ്ടിയിൽ തന്നെ, തുടങ്ങി തന്റെ സിനിമാ ജീവിതത്തിൽ കെഎസ്ആർടിസിക്കുള്ള പങ്ക് ഓർത്തെടുക്കുകയാണ് താരം. ഇതുപോലുള്ള ശുഭയാത്രകൾ സമ്മാനിക്കാൻ മലയാളിക്കൊപ്പം കെഎസ്ആർടിസി എന്നെന്നുമുണ്ടാകട്ടെ എന്നു ഞാൻ ആശംസിക്കുന്നുവെന്ന് പറഞ്ഞാണ് പരസ്യചിത്രം അവസാനിക്കുന്നത്. തൊടുപുഴയിലായിരുന്നു പരസ്യം ചിത്രീകരിച്ചത്. കെഎസ്ആർടിസിയുടെ ഗുഡ്​വിൽ അംബാസഡർ കൂടിയാണ് മോഹൻലാൽ.