തൃശ്ശൂർ: കുന്നംകുളം കക്കാട് ഗണപതി ക്ഷേത്രത്തിൽ 12008 നാളികേരം എറിഞ്ഞുള്ള വേട്ടേക്കരൻ പാട്ട് ഭക്തിസാന്ദ്രമായ ചടങ്ങുകളോടെ ഇന്ന് നടക്കും. രാവിലെ 10.30ന് നാളികേരം എണ്ണിക്കൂട്ടലോടെയാണ് ചടങ്ങുകൾക്ക് തുടക്കം കുറിക്കുക.

ഉച്ചയ്ക്ക് 2 മണിക്ക് കളംകുറിക്കൽ ചടങ്ങും തായമ്പകയും നടക്കും. വൈകിട്ട് 7 മണിക്ക് മുല്ലക്കൽ പാട്ട് ആരംഭിക്കും. തുടർന്ന് 7.30ന് പ്രധാന ചടങ്ങായ നാളികേരം എറിയൽ നടക്കും. ദുരിതനിവാരണത്തിനും ഐശ്വര്യപ്രാപ്തിക്കുമായി നടത്തപ്പെടുന്ന ഈ ആചാരത്തിൽ നിരവധി ഭക്തർ പങ്കെടുക്കുമെന്ന് ക്ഷേത്ര ഭാരവാഹികൾ അറിയിച്ചു.