കോട്ടയം: കവണാറ്റിൻകര വിരിപ്പുകാല ശ്രീശക്തീശ്വരം ക്ഷേത്രത്തിന്റെ റോഡരികിൽ സ്ഥാപിച്ചിരുന്ന കാണിക്കവഞ്ചി കുത്തിത്തുറന്ന് മോഷണം നടത്തി. കാണിക്കവഞ്ചിയുടെ ചില്ല് തകർക്കപ്പെട്ട നിലയിലാണ്.

രാവിലെ ക്ഷേത്രത്തിൽ വിളക്ക് കൊളുത്താൻ എത്തിയപ്പോഴാണ് മോഷണവിവരം പുറത്തറിയുന്നത്. എത്ര രൂപ നഷ്ടമായി എന്നതിനെക്കുറിച്ച് വ്യക്തതയില്ല. ക്ഷേത്രം അധികൃതർ പോലീസിൽ പരാതി നൽകി. സംഭവത്തിൽ പോലീസ് അന്വേഷണം ആരംഭിച്ചു.