ഡല്ഹി: മധ്യപ്രദേശില് വിജയദശമി ആഘോഷങ്ങള്ക്കിടെ ദുരന്തം. ട്രാക്ടര് ട്രോളി പുഴയിലേക്ക് മറിഞ്ഞ് 11 പേര് മരിച്ചു. ഖാണ്ഡ്വ ജില്ലയില് പന്ഥാന മേഖലയിലെ അര്ദാല ഗ്രാമത്തിലാണ് അപകടമുണ്ടായത്. വിഗ്രഹ നിമജ്ജനം കഴിഞ്ഞ് മടങ്ങിയ സംഘമാണ് അപകടത്തില് പെട്ടത്. വണ്ടിയിലുണ്ടായിരുന്ന 12 കാരന് അബദ്ധവശാല് വണ്ടി സ്റ്റാര്ട്ട് ചെയ്തതാണ് അപകടത്തിന് കാരണം. കുട്ടി ചാവി ഉപയോഗിച്ച് വണ്ടി സ്റ്റാര്ട്ട് ചെയ്തതോടെ പാലത്തില് വാഹനം നിന്ന് താഴേക്ക് മറിയുകയായിരുന്നു.
മരിച്ചവരില് 6 പെണ്കുട്ടികള് ഉള്പ്പെടെ 25 പേര് ഉണ്ടായിരുന്നു. അപകടത്തില് പെട്ട കൂടുതല് പേര്ക്കായി തെരച്ചില് തുടരുകയാണ്. പരിക്കേറ്റവര് ആശുപത്രിയില് ചികിത്സയിലാണ്. പരിക്കേറ്റവരില് കുട്ടികളുമുണ്ട്.
