ബംഗളൂരു: കര്ണാടകയില് ഹാസനില് വാഹനാപകടം. ഗണേശ നിമജ്ജന ഘോഷയാത്രയിലേക്ക് ട്രക്ക് പാഞ്ഞുകയറിയാണ് അപകടം ഉണ്ടായത്. അപകടത്തില് എട്ട് പേര് മരിച്ചു. അപകടത്തില് 20 പേര്ക്ക് പരിക്കേറ്റതായാണ് വിവരം. അഞ്ചുപേര് സംഭവസ്ഥലത്തും മൂന്ന്പേര് ആശുപത്രിയിലും മരിച്ചതായാണ് വിവരം. തിരക്കേറിയ NH-373 റോഡിലാണ് അപകടം ഉണ്ടായത്. മരണസംഖ്യ ഉയര്ന്നേക്കാമെന്ന് ജില്ലാ ഭരണകൂടം വ്യക്തമാക്കുന്നു.
നിരവധി ആളുകളുടെ ഇടയിലേക്കാണ് ട്രക്ക് പാഞ്ഞുകയറിയത്. എതിരെ വന്ന ബൈക്ക് യാത്രക്കാരനെ രക്ഷിക്കാന് നടത്തിയ ശ്രമമാണ് ഇത്രയു വലിയ അപകടത്തില് കലാശിച്ചത് എന്നാണ് വിവരം. ഗണേശ നിമജ്ജന ഘോഷയാത്രയുമായി ബന്ധപ്പെട്ട് ഡിജെ ഡാന്സ് നടക്കുകയായിരുന്നു. ഇതിനിടയിലേക്കാണ് ട്രക്ക് പാഞ്ഞുകയറയത്.
