തിരുവനന്തപുരം : പി വി അൻവറിനെതിരെ രൂക്ഷവിമർശനവുമായി കോൺഗ്രസ് നേതാവ് കെ മുരളീധരൻ. അൻവർ യൂഡിഎഫ് സ്ഥാനാർത്ഥിയെ പിന്തുണക്കണമെന്നും വി ഡി സതീശനും ആര്യാടൻ ഷൗക്കത്തിനുമെതിരായ പരാമർശങ്ങൾ പിൻവലിക്കണമെന്നു കെ മുരളീധരൻ വ്യക്തമാക്കി. അൻവർ ഒപ്പം നിന്നാലും ഇലെങ്കിലും യുഡിഎഫ് ജയിക്കുമെന്നും മുരളിധരൻ കൂട്ടിച്ചേർത്തു.
അതേസമയം പി വി അൻവറിനെ കുഞ്ഞാലിക്കുട്ടി വിളിച്ചെന്ന വാർത്തയും പുറത്ത് വരുന്നുണ്ട്. സ്ഥാനാർത്ഥിയെ പിന്തുണക്കണം എന്ന നിർദേശമാണ് കുഞ്ഞാലിക്കുട്ടി അൻവറിന് നൽകിയത്. യൂഡിഎഫ് സ്ഥാനാർഥിയായ ആര്യാടൻ ഷൗക്കത്തിനെ പിന്തുണച്ചാൽ ഉടൻ യൂഡിഎഫ് തീരുമാനമെന്നും , യൂഡിഎഫിനെ പിന്തുണച്ചാൽ അസ്സോസിയേറ്റ് അംഗമായി ഉൾപ്പെടുത്തുമെന്നുള്ള വാഗ്ദാനങ്ങൾ പുറത്ത് വന്നതായും റിപ്പോർട്ടുകൾ ഉണ്ട്.
