ന്യൂയോര്ക്ക്: ഒമാന് മധ്യസ്ഥതയില് ഇറാനും യുഎസും തമ്മില് ആണവ നിരായുധീകരണ ചര്ച്ചയുടെ നാലാം റൗണ്ട് പിന്നിട്ടു. ഇരു രാജ്യങ്ങളും പ്രതീക്ഷയില്. എന്നാല് ചര്ച്ചകള്ക്കിടയിലും ഇറാനെതിരെ യുഎസ് പുതിയ ഉപരോധങ്ങള് പ്രഖ്യാപിച്ചു.
ള് മൂന്ന് ഇറാനിയന് പൗരന്മാരെയും ടെഹ്റാനിലെ ഓര്ഗനൈസേഷന് ഓഫ് ഡിഫന്സീവ് ഇന്നവേഷന് ആന്ഡ് റിസര്ച്ചുമായി ബന്ധമുള്ള ഒരു ഇറാനിയന് സ്ഥാപനത്തെയും ലക്ഷ്യമിട്ടുള്ളതാണ്ഏറ്റവും പുതിയ ഉപരോധങ്ങള്. ‘അതേസമയം ഇറാന് ഇപ്പോഴും അവരുടെ ആണവ പദ്ധതി ഗണ്യമായി വികസിപ്പിക്കുകയും ആണവായുധങ്ങള്ക്കും ആണവായുധ വിതരണ സംവിധാനങ്ങള്ക്കുമായി ഗവേഷണ വികസന പ്രവര്ത്തനങ്ങള് നടത്തുന്നതും തുടരുകയാണെന്ന് ‘ യുഎസ് സ്റ്റേറ്റ് സെക്രട്ടറി മാര്ക്കോ റൂബിയോ പറഞ്ഞു.
ആണവായുധങ്ങളില്ലാത്ത, യുറേനിയം സമ്പുഷ്ടീകരണം 60 ശതമാനത്തിലേക്ക് എത്തിയ ലോകത്തിലെ ഏക രാജ്യം ഇറാന് ആണെന്ന് മാര്ക്കോ കൂട്ടിച്ചേര്ത്തു. 2015ലെ ആണവ കരാറിനു കീഴില് നിശ്ചയിച്ചിരുന്ന പരമാവധി 3.67 ശതമാനത്തേക്കാള് വളരെ കൂടുതലാണിത്്. ഒരു ആണവായുധം നിര്മിക്കുന്നതിന് 90 ശതമാനം സമ്പുഷ്ടീകരണം ആവശ്യമാണ്.
ഇറാനുമായുള്ള നാലാം റൗണ്ട് ചര്ച്ചകള് അവസാനിച്ച് ഒരു ദിവസത്തിനു ശേഷമാണ് യുഎസ് പുതിയ ഉപരോധങ്ങള് പ്രഖ്യാപിച്ചത്. ചര്ച്ചകള്ക്കു ശേഷം കാര്യമായ പുരോഗതിയൊന്നും പ്രഖ്യാപിച്ചില്ലെങ്കിലും ഇരുപക്ഷവും പ്രതീക്ഷ പ്രകടിപ്പിച്ചു.
