അമേരിക്കന് തീരുവ ഭീഷണി ചര്ച്ച ചെയ്യാനുള്ള നിർണായക ബ്രിക്സ് ഓണ്ലൈന് യോഗം ഇന്ന് ചേരും. ബ്രസീല് പ്രസിഡന്റ് ലുല ഡ സില്വ വിളിച്ചുചേര്ക്കുന്ന ബ്രിക്സ് നേതാക്കളുടെ യോഗത്തിൽ ഇന്ത്യൻ വിദേശ കാര്യമന്ത്രി ഡോ. എസ് ജയ് ശങ്കർ പങ്കെടുക്കും. ട്രംപിന്റെ താരിഫ് നയങ്ങള്ക്കെതിരെ സംയുക്ത പ്രസ്താവന ഇറക്കാനാണ് യോഗം ലക്ഷ്യം വെയ്ക്കുന്നത്.
ഇന്ത്യയ്ക്ക് സമാനമായി ബ്രസീലിലും 50 ശതമാനം അധികതീരുവ ട്രംപ് പ്രഖ്യാപിച്ചിരുന്നു. തീവ്ര വലതുപക്ഷ നേതാവ് ജെയര് ബോള്സോനാരോക്കെതിരെയുള്ള നിയമനടപടികള് നിര്ത്തിവയ്ക്കാന് ആവശ്യപ്പെട്ടാണ് ട്രംപ് ബ്രസീലിന് മേല് തീരുവ പ്രഖ്യാപിച്ചത്. അതേസമയം അടുത്ത വർഷം ബ്രിക്സ് ഉച്ചകോടി ഇന്ത്യയിൽ നടക്കാനിരിക്കെ പ്രധാനമന്ത്രി നരേന്ദ്രമോദിയുടെ അസാന്നിധ്യം അന്താരാഷ്ട്ര തലത്തിൽ ചർച്ചയാണ്.
