കോട്ടയം: വിഴിഞ്ഞം തുറമുഖം പദ്ധതിയുമായി ബന്ധപ്പെട്ട് ഭരണ-പ്രതിപക്ഷ തർക്കത്തിനിടയിൽ കെ.എം. മാണിയുടെ പഴയ ബജറ്റ് പ്രസംഗം ഫെയ്ബുക്കിൽ പങ്കുവെച്ച് ജോസ് കെ മാണി. കേരളത്തിന്റെ ത്വരിത വികസനത്തിന് വിഴിഞ്ഞം തുറമുഖ പദ്ധതി പൂർത്തിയാക്കാൻ ഈ സർക്കാർ പ്രതിജ്ഞാബദ്ധമാണെന്ന 2011ലെ കെ.എം. മാണിയുടെ പ്രസംഗമാണ് ജോസ് കെ മാണി പങ്കുവച്ചിരിക്കുന്നത്.

വിഴിഞ്ഞം പദ്ധതിയുടെ പിതൃത്വത്തെച്ചൊല്ലി എൽ.ഡി.എഫ്.-യു.ഡി.എഫ്. പോര് രൂക്ഷമായി നിലനിൽക്കുന്ന സാഹചര്യത്തിലാണ്
എൽ.ഡി.എഫിനെ വെട്ടിലാക്കി ജോസ് കെ മാണിയുടെ പോസ്റ്റ്. ഉമ്മൻ ചാണ്ടി മന്ത്രിസഭയുടെ കാലത്തെ ബജറ്റ് പ്രസംഗം ജോസ് കെ മാണി പങ്കുവെച്ചത് സൈബർ ഇടങ്ങളിൽ കോൺഗ്രസ് വലിയ ചർച്ചയാക്കിയിട്ടുണ്ട്.