ആലപ്പുഴ: ജി സുധാകരനെതിരെ വെല്ലുവിളിയുമായി ഡിവൈഎഫ്ഐ ആലപ്പുഴ ജില്ലാ പ്രസിഡന്റ് എസ് സുരേഷ് കുമാര്. സ്വത്ത് വകകള് സുതാര്യമാണെങ്കില് സുധാകരനും ഭാര്യയും മകനും മരുമകളും എന്ആര്ഐ ഉള്പ്പെടെയുള്ള മുഴുവന് ബാങ്ക് രേഖകളും ഹാജരാക്കാന് തയ്യാറുണ്ടോയെന്ന് ഫെയ്സ്ബുക്ക് പോസ്റ്റിലൂടെ അദ്ദേഹം വെല്ലുവിളിക്കുന്നു.
ഭാര്യയുടെ പേരിലുള്ള അക്കൗണ്ടില് നിന്നും 50 ലക്ഷം മാറ്റിയത് എന്തിന് വേണ്ടിയാണെന്നും നോമിനേഷനില് പണം കുറച്ച് കാണിക്കാനായിരുന്നില്ലേ ഇതെന്നും പോസ്റ്റില് ചോദിക്കുന്നുണ്ട്. അഫിഡവിറ്റില് മകന്റെ സ്വത്തുക്കള് മറച്ചുവെച്ചത് തെറ്റല്ലേ എന്നും രേഖകളെല്ലാം സത്യമാണെങ്കില് സ്വത്ത് വകകള് വെളിപ്പെടുത്താന് ധൈര്യമുണ്ടോയെന്നും ചോദിക്കുന്നു.
