പാലക്കാട്: കടുവ സെന്സസിനിടെയുണ്ടായ കാട്ടാന ആക്രമണത്തില് വനം വകുപ്പ് ഉദ്യോഗസ്ഥന് കൊല്ലപ്പെട്ടു. പുതൂര് ഫോറസ്റ്റ് ബീറ്റ് അസിസ്റ്റന്റ് കാളിമുത്തുവാണ് മരിച്ചത്.
പാലക്കാട് അട്ടപ്പാടി പുതൂരിലാണ് സംഭവം. സെന്സസിനിടെ കാട്ടാന ആക്രമിക്കാനെത്തിയതോടെ കാളിമുത്തുവും കൂടെയുണ്ടായിരുന്ന ഉദ്യോഗസ്ഥനും ഓടി മാറിയിരുന്നു. കൂടെയുണ്ടായിരുന്ന ഉദ്യോഗസ്ഥന് അറിയിച്ചതിനെ തുടര്ന്ന് ആര്ആര്ടി തിരച്ചില് നടത്തുകയായിരുന്നു. ഇതിന് പിന്നാലെയാണ് മൃതദേഹം കണ്ടെത്തിയത്.
മുള്ളി വനമേഖലയില് നിന്നാണ് മൃതദേഹം കണ്ടെത്തിയത്. പുതൂരില് കഴിഞ്ഞ ദിവസം അഞ്ചംഗ വനപാലക സംഘം കാട്ടില് കുടുങ്ങിയിരുന്നു. ഇതേ മേഖലയിലാണ് ഇന്നത്തെയും സംഭവം.
