തിരുവനന്തപുരം: കേരള വനിതാ കമ്മീഷന്റെ നേതൃത്വത്തിൽ വനിതകൾക്കായുള്ള ബോധവത്കരണ–നിയമസഹായ ക്യാമ്പയിൻ നന്ദൻകോട്, വൈലോപ്പിള്ളി സംസ്കൃത ഭവൻ (കൂത്തമ്പലം), തിരുവനന്തപുരം എന്ന വേദിയിൽ സംഘടിപ്പിച്ചു. 2026 ജനുവരി 19-ന് നടന്ന പരിപാടി വനിതകളുടെ അവകാശ സംരക്ഷണവും നിയമബോധവത്കരണവും ലക്ഷ്യമിട്ടതായിരുന്നു.
പരിപാടിക്ക് ഹരികുമാർ (മെമ്പർ സെക്രട്ടറി, കേരള വനിതാ കമ്മീഷൻ) സ്വാഗതം പറഞ്ഞു.അഡ്വ. പി. സതീദേവി (ചെയർപേഴ്സൺ, കേരള വനിതാ കമ്മീഷൻ) അധ്യക്ഷത വഹിച്ചു.ശ്രീമതി വീണ ജോർജ് പരിപാടി ഉദ്ഘാടനം ചെയ്തു.മുഖ്യപ്രഭാഷണം ഷാർമിള മേരി ജോസഫ് ഐഎഎസ് (പ്രിൻസിപ്പൽ സെക്രട്ടറി, വനിതാ–ശിശു വികസന വകുപ്പ്) നിർവഹിച്ചു.മഞ്ജു വാര്യർ (വനിതാ കമ്മീഷൻ അംബാസിഡർ) വിശിഷ്ടാതിഥിയായി പങ്കെടുത്തു.ആശംസകൾ നേർന്നത് ഇന്ദിര രവീന്ദ്രൻ (അഡ്വക്കേറ്റ്), എലിസബത്ത് മാമൻ മത്തായി, ശ്രീമതി വി. ആർ. മഹിളമണി, ശ്രീമതി എസ്. അജിതാ ബീഗം ഐപിഎസ് (ഇൻസ്പെക്ടർ ജനറൽ ഓഫ് പോലീസ്) എന്നിവരാണ്.സ്ത്രീകൾ നേരിടുന്ന സാമൂഹികവും കുടുംബപരവും നിയമപരവുമായ പ്രശ്നങ്ങൾ, വനിതാ കമ്മീഷൻ നടത്തുന്ന ഇടപെടലുകൾ, പരാതിനിവാരണ സംവിധാനങ്ങൾ എന്നിവ ക്യാമ്പയിനിൽ വിശദമായി ചർച്ച ചെയ്തു. പൊതുജനങ്ങൾക്ക് നേരിട്ട് പരാതികൾ സമർപ്പിക്കാനും സംശയങ്ങൾ ഉന്നയിക്കാനും അവസരം ഒരുക്കിയിരുന്നു.
