കല്പ്പറ്റ: ഓണ്ലൈനായി ലോണ് നല്കാമെന്ന് പറഞ്ഞ് പണം തട്ടിയെടുത്ത യുവാവ് പിടിയില്. കോഴിക്കോട് കൊടുവള്ളി സ്വദേശി മുഹമ്മദ് ജസീമിനെയാണ് വയനാട് സൈബര് പൊലീസ് അറസ്റ്റ് ചെയ്തത്.
ഇയാള് കക്കൂര് പൊലീസ് സ്റ്റേഷനില് മറ്റൊരു സൈബര് കേസില്പെട്ട് റിമാന്ഡില് കഴിഞ്ഞു വരികയായിരുന്നു. പ്രൊഡക്ഷന് വാറണ്ട് പ്രകാരം വയനാട് സൈബര് പൊലീസ് ഇയാളെ കസ്റ്റഡിയില് വാങ്ങി. അതിരപ്പള്ളി, കാസര്ഗോഡ്, തിരുവനന്തപുരം സൈബര്, കക്കൂര്, കമ്പളക്കാട് തുടങ്ങിയ പൊലീസ് സ്റ്റേഷനുകളിലും സൈബര് കുറ്റകൃത്യങ്ങളില് ഉള്പ്പെട്ടിട്ടുള്ളയാളാണ് ജസീം.
