ആലുവ: 4.5 ഗ്രാം എംഡിഎംഎയുമായി യുവാവ് പിടിയിൽ. എടത്തല ഇടയത്താളി വീട്ടിൽ ഹൈനസ് എന്നയാളെയാണ് കുന്നത്തുനാട് പൊലീസ് അറസ്റ്റ് ചെയ്തത്. ഐരാപുരം തട്ടുപാലം പ്രദേശത്തെ വാടകവീട്ടിൽ നിന്നാണ് ഇയാളെ പിടികൂടിയത്.

വിൽപനയ്ക്കായി സൂക്ഷിച്ചിരുന്ന എംഡിഎംഎയാണ് പരിശോധനയിൽ കണ്ടെത്തിയതെന്ന് പൊലീസ് അറിയിച്ചു. രഹസ്യവിവരത്തിന്റെ അടിസ്ഥാനത്തിൽ നടത്തിയ പരിശോധനയിലാണ് ലഹരിവസ്തു പിടിച്ചെടുത്തത്.

കുന്നത്തുനാട് പൊലീസ് ഇൻസ്പെക്ടർ എ.എൽ. അഭിലാഷിന്റെ നേതൃത്വത്തിൽ എസ്ഐമാരായ അഭിജിത്ത് എം., നിസാർ കെ.വി., അബൂബക്കർ വി.എസ്., എഎസ്ഐമാരായ അബ്ദുൾ റഷീദ് സി.എ., മുരളീധരൻ യു.എ., സിനോജ് ആന്റണി, സിപിഒമാരായ ബിബിൻരാജ് ഒ.എസ്., ടോമി കെ.എ. എന്നിവർ ഉൾപ്പെട്ട സംഘമാണ് നടപടി സ്വീകരിച്ചത്.