തിരുവനന്തപുരം: കുട്ടികൾക്ക് ക്ലാസെടുക്കുന്നതിനിടെ അധ്യാപിക കുഴഞ്ഞുവീണ് മരിച്ചു. പാറശ്ശാല ജിഎച്ച്എസ്എസിലെ ഗണിതശാസ്ത്ര അദ്ധ്യാപിക വിനോദിനി (49) ആണ് മരിച്ചത്. മാരായമുട്ടം സ്വദേശിയാണ് വിനോദിനി. രാവിലെ 11 മണിക്ക് കുട്ടികൾക്ക് ക്ലാസെടുക്കുന്നതിനിടെ ക്ലാസ്മുറിയിൽ കുഴഞ്ഞ് വീഴുകയായിരുന്നു.
ഉടൻ തന്നെ സഹ അധ്യാപകരും സ്കൂൾ ജീവനക്കാരും മറ്റും ചേർന്ന് ഉടനെ വിനോദിനിയെ ആശുപത്രിയിലേക്ക് കൊണ്ടുപോയെങ്കിലും മരണം സംഭവിച്ചു. മൃതദേഹം നെയ്യാറ്റിൻകര ആശുപത്രി മോർച്ചറിയിലേക്ക് മാറ്റി. നിയമപരമായ നടപടിക്രമങ്ങൾക്ക് മൃതദേഹം ശേഷം ബന്ധുക്കൾക്ക് വിട്ടുകൊടുക്കും.
