മുംബൈ: മഹാരാഷ്ട്രയിലെ അമരാവതിയില് അധ്യാപകന് വഴക്കുപറഞ്ഞതിനെ തുടര്ന്ന് 10-ാം ക്ലാസ് വിദ്യാര്ത്ഥി ആത്മഹത്യ ചെയ്തു. ജയ് ബജ്രംഗ് വിദ്യാലയത്തിലെ വിദ്യാര്ത്ഥിയായ വിവേക് മഹാദേവ് റാവുത്ത് (15) ആണ് ജീവനൊടുക്കിയത്. തന്നെ വഴക്കുപറയുകയും മാതാപിതാക്കളെക്കുറിച്ച് സംസാരിക്കുകയും ചെയ്ത അധ്യാപകനാണ് മരണത്തിന് ഉത്തരവാദിയെന്ന് വിവേക് എഴുതിയ ആത്മഹത്യാക്കുറിപ്പില് പറയുന്നു.
ക്ലാസില് അധ്യാപകന്റെ ചോദ്യങ്ങള്ക്ക് ഉത്തരം നല്കാന് കഴിയാതിരുന്നതിനെ തുടര്ന്ന് വിവേകിനെ അധ്യാപകന് വഴക്ക് പറഞ്ഞിരുന്നു. ഇത് പറഞ്ഞ് സഹപാഠികള് പരിഹസിച്ചു. അധ്യാപകന് ദേഷ്യപ്പെടുകയും വിവേകിന്റെ മാതാപിതാക്കളോട് പരാതി പറയുമെന്നും താക്കീത് ചെയ്തുവെന്ന് ദേശീയ മാധ്യമങ്ങളില് പറയുന്നത്. ‘ഇതില് അപമാനിതനായ വിവേക് ആത്മഹത്യ ചെയ്യുകയായിരുന്നു എന്നാണ് പൊലീസ് നല്കുന്ന വിവരം.
‘ഞാന് തൂങ്ങിമരിക്കുന്നു… കാരണം സൂര്യവംശി ടീച്ചര് എന്നെ വഴക്കുപറഞ്ഞു, തന്റെ മാതാപിതാക്കളെക്കുറിച്ച് സംസാരിക്കുകയും ചെയ്തു’ എന്നാണ് ആത്മഹത്യാക്കുറിപ്പില് വിവേക് കുറിച്ചത്. വിദ്യാര്ത്ഥിയുടെ മരണശേഷം, സംഘടിച്ചെത്തിയ നാട്ടുകാര് അധ്യാപകനെ മര്ദിച്ചു. അധ്യാപകന് നിലവില് ആശുപത്രിയില് ചികിത്സയിലാണ്. സംഭവത്തില് അധ്യാപകനെതിരെ പൊലീസ് കേസെടുക്കുകയും അന്വേഷണം ആരംഭിക്കുകയും ചെയ്തിട്ടു
