ദോഹ: 2025ലെ ആഗോള സമാധാന സൂചികയിൽ മിഡിലീസ്റ്റ്, നോര്ത്ത് ആഫ്രിക്ക മേഖലയിൽ ഒന്നാമതെത്തി ഖത്തർ. ആഗോള സമാധാന സൂചികയില് മെന മേഖലയില് ഏഴാം തവണയാണ് ഖത്തര് ഒന്നാമതെത്തുന്നത്. അതേസമയം 163 രാജ്യങ്ങളുടെ പട്ടികയിൽ ആഗോളതലത്തിൽ 27ാം സ്ഥാനമാണ് ഖത്തർ നേടിയത്.
ഇൻസ്റ്റിറ്റ്യൂട്ട് ഫോർ ഇക്കണോമിക്സ് ആൻഡ് പീസ് 163 രാജ്യങ്ങളിൽ നടത്തിയ പഠനത്തിന്റെ അടിസ്ഥാനത്തിലാണ് ആഗോള സമാധാന സൂചിക തയ്യാറാക്കിയത്. സ്ഥിരതയാർന്ന ഭരണവും ശക്തമായ സുരക്ഷാചട്ടക്കൂടുമാണ് ഖത്തറിനെ മെന മേഖലയിൽ വീണ്ടും ഒന്നാമതെത്തിച്ചത്.
സാമാധാന സൂചികയിൽ 31-ാം സ്ഥാനത്താണ് കുവൈത്ത്. അയർലൻഡ്, ഓസ്ട്രിയ, ന്യൂസിലൻഡ്, സ്വിറ്റ്സർലൻഡ് എന്നീ രാജ്യങ്ങളാണ് ആഗോള തലത്തിൽ ആദ്യ അഞ്ച് സ്ഥാനങ്ങളിലുള്ളത്. ഇന്ത്യ 115ാം സ്ഥാനത്തും അമേരിക്ക 128ാം സ്ഥാനത്തുമാണ്.
